Blinken uron Albin Kurtin: Do ta keni përkrahjen e plotë të SHBA-së

user3
0 0

Sekretari i Shtetit, Antony Blinken, i ka dërguar një letër urimi kryeministrit të Kosovës, Albin Kurti, përmes së cilës e ka përgëzuar atë dhe popullin e Kosovës për zgjedhjet e suksesshme dhe demokratike, të mbajtura më 14 shkurt.

Zyra e Kryeministrit ka njoftuar se Shtetet e Bashkuara të Amerikës e kanë mirëpritur formimin e qeverisë së re dhe se presin të punojnë ngushtë për të siguruar, siç ka thënë ai, që Kosova sovrane, e pavarur, shumë-etnike dhe demokratike të zë vendin e saj si partner i barabartë në familjen euro-atlantike.

Më tej, sekretari Blinken i ka mirëpritur zotimet e kryeministrit Kurti për luftimin e korrupsionit, fuqizimin e sundimit të ligjit dhe rikuperimin nga pandemia COVID-19, si edhe përpjekjet e tij për realizimin e aspiratave të popullit të Kosovës.

Tutje në letër ai ka thënë se sigurimi i një marrëveshjeje gjithëpërfshirëse për normalizim me Serbinë, e përqendruar në njohjen e ndërsjellë është thelbësore për Kosovën që të arrijë potencialin e saj të plotë dhe të ecë përpara në rrugën drejt anëtarësimit në BE.

Do të keni mbështetjen e plotë të Shteteve të Bashkuara të Amerikës në këtë drejtim, ka thënë sekretari Antony J. Blinken.

Next Post

Pa dyshim Krejt e Drejt!

Shkruan Klejd Këlliçi Vjosa Osmani u zgjodh presidente pa perspektivën e errët e të paqartë të zgjedhjeve të parakohshme. Opozita e dalë nga zgjedhjet e 14 shkurtit kishte në dorë të vetmin shans për ta penguar qeverinë Kurti, atë të bojkotit të seancave për zgjedhjen e presidentit të ri. E […]