Deklarata e Metës, Boiken Abazi: Ishte surprizë, por nuk jam i vetëm

User1
0 0

Kreu i Lëvizjes Vetëvendosje në Shqipëri, Boiken Abazi, e ka konsideruar surprizë deklaratën e presidentit Ilir Meta një ditë më parë, kur tha se të gjitha koalicionet e mundshme që mund të krijohen i mund Boikeni i vetëm. I ftuar në studion e “Ditarit” në A2 CNN, ai tha se deklarata që është i vetëm në zgjedhje nuk qëndron. Ai shprehu bindjen se sikurse në Kosovë, edhe në Shqipëri do të dalin fitimtarë.

“Unë nuk kam pasur ndonjë kontakt me të, ishte surprizë edhe për mua, mbase ka parë ndonjë sondazh, por besoj që shqiptarët e dinë se partitë e vjetra kanë qenë në bashkëpunim me njëra-tjetrën dhe ne nuk i dimë prapaskenat e tyre. Por deklarata që unë jam vetëm nuk qëndron, se ne jemi bashkë me qytetarët. Asnjëherë në këtë projekt nuk jam ndjerë vetëm dhe po çojmë përpara një lëvizje që nuk kam asnjë dyshim që do ia dalim. Ka pasur momente kur në Kosovë të gjithë janë bërë bashkë kundër nesh dhe ne ia kemi dalë me sukses dhe besoj që edhe në Shqipëri do të dalim fitimtarë”.

Rruga Press


Next Post

Publikuan SKANDALIN me të dhënat personale/ Gazetarët Andi Bushati dhe Armand Shkullaku thirren në SPAK për të dëshmuar

Gazetarët e njohur që publikuan databazën janë thirrur ditën e sotme në orën 13:30 për te dëshmuar ne prokurori lidhur me këtë çështje. Drejtuesit e Lapsi.al Armand Shkullaku dhe Andi Bushati janë thirrur ditën e sotme në SPAK për të dëshmuar në lidhje me databazën e PS-së me të dhënat […]