FDA gati të miratojë përdorimin e vaksinës te fëmijët 12 deri 15 vjeç

user3
0 0

Administrata e Barnave dhe Ushqimit në Shtetet e Bashkuara të Amerikës (FDA) është e gatshme të miratojë përdorimin e vaksinës Pfizer/BioNTech tek fëmijët të moshës 12 deri në 15 vjeç.

Autorizimi pritet të jepet javën e ardhshme, tha për CNN një burim i qeverisë federale. Pfizer ka kërkuar autorizim për përdorim urgjent të vaksinës së saj te fëmijët dhe adoleshentët e moshës 12 deri në 15 vjeç.

FDA do të ndryshojë autorizimin për përdorim emergjent të vaksinës, por procesi do të jetë i drejtpërdrejtë, thanë për CNN burime zyrtare. Administrata e Barnave dhe Ushqimit aktualisht është duke shikuar të dhënat e paraqitura nga Pfizer në mbështetje të përdorimit.

Pfizer tha se në fund të marsit, provat klinike që përfshinin 2260 persona të moshës 12 deri në 15 vjeç, tregonin një efikasitet prej 100%. Aktualisht vaksina është e autorizuar për përdorim emergjent tek personat nga 16 vjeç dhe lart.


Next Post

Një tjetër kriptomonedhë sfidon bitcoinin, i rritet vlera në shifra rekorde

Ethereum është një tjetër kriptomonedhë ose monedhë virtuale, rival i bitcoinit. Vlera e ethereumit ka arritur në 3 mijë dollarë, katërfish më e madhe në krahasim me vitin e kaluar. Investitorët thonë se kjo monedhë virtuale do të rritet akoma më shumë dhe do të jetë një ndër kriptomonedhat kryesore në […]