Gjon’s Tears në Shkodër më 31 korrik në Zâ Fest V

Këngëtari me origjinë shqiptare Gjon Muharremi përfaqësoi Zvicrën në “Eurovision”, ku arriti të marrë vendin e tretë.

Këngëtari i njohur Gjon’s Tears do të këndojë në qytetin e Shkodrës së bashku me grupin e tij në Zâ Fest V më 31 korrik 2021. Festivali organizohet në ambientet e kalasë së Rozafës.

Gjatë vizitës së tij në Shqipëri javë më parë Gjon Muharremi u shpreh se do të rikthehej së shpejti për një festival dhe tashmë është bërë e ditur nga vet ai se ky festival do të jetë Zâ Fest V.

“Më 31 korrik do të këndoj me grupin tim në Shkodër. Shihemi bashkë me grupin tim në Shkodër”, shprehet Gjon’s Tears në një video për fansat e tij.

Rruga Press