Ndeshja Brazil-Argjentinë/Policia futet në fushë, kërkon të deportojë katër lojtarë argjentinas

Superklasikja Brazil-Argjentinë në Sao Paulo është ndërprerë në minutën e 7 të pjesës së parë. Argjentina pas konfliktit të plasur në fillim jashtë fushe e pastaj brenda saj është larguar në dhomat e zhveshjes. Policia shëndetësore braziliane ka ndaluar portierin Emiliano Martínez, mesfushorin Lo Celso, mbrojtësin Romero dhe anësorin Buendía, të luajnë. Tre të parët ishin titullarë, i katërti në stol. Ata janë të gjithë nga Premier League: të gjitha ata që kanë qenë në Mbretërinë e Bashkuar në 14 ditët e fundit, duhet të bëjnë po aq ditë karantinë në Brazil.

Autoritetet shëndetësore donin t’i parandalonin ata të dilnin nga hoteli, por loja filloi pas ndërhyrjes së federatës së Amerikës së Jugut. Menjëherë pas fillimit, megjithatë, agjentët lokalë të mbikëqyrjes shëndetësore pushtuan fushën për t’i nxjerrë ata nga fusha dhe madje u shtynë me lojtarët argjentinas. Nuk dihet nëse gara do të rifillojë.

Gjyqtarët janë larguar nga fusha. Vetëm lojtarët brazilianë kanë mbetur në fushë dhe vazhdojnë të bisedojnë me uniformë për të kuptuar se çfarë po ndodh. Nga Argjentina, vetëm Lionel Messi është sërisht në fushë, por pa uniformë.