Pse miliarderët amerikanë paguajnë pak ose aspak taksa

User2
1 0
Shpërndaje

Një rrjedhje e pashembullt të dhënash personale të taksave federale të mijëra amerikanëve ka rindezur një debat mbi pabarazinë e të ardhurave në Shtetet e Bashkuara.

Përkrahësit e reformës në sistemin e taksave shpresojnë se një ide më e qartë nga publiku se si të pasurit shmangin taksat, do të sjellë si rezultat një rishikim të kodit të taksimit në Shtetet e Bashkuara.

Të dhënat, që i ishin dërguar organizatës jofitimprurëse të gazetarisë “ProPublica”, përfshijnë informacion të detajuar mbi taksat e mijëra individëve më të pasur gjatë një periudhë mbi 15 vjeçare.

Advertisements

Këtë javë, “ProPublica” i përdori të dhënat për të paraqitur para publikut një përshkrim të parë të detajuar se deri në ç’masë më të pasurit në Shtetet e Bashkuara përfitojnë nga privilegje dhe luks të jashtëzakonshëm, ndërsa në të njëjtën kohë paguajnë pak ose aspak takasa.

Sipas kësaj analize, themeluesi i kompanisë Amazon Jeff Bezos, personi më i pasur në botë sipas revistës Forbes, nuk ka paguar asnjë taksë federale mbi të ardhurat në vitet 2007 dhe 2011 dhe miliarderë të tjerë si Warren Buffett, Mark Zuckerberg, George Soros, Michael Bloomberg, Carl Icahn dhe të tjerë – i kanë paguar përqindje shumë të vogla taksash qeverisë federale, ose asnjë taksë, madje edhe në vitet kur pasuria e tyre u rrit me miliarda dollarë.

Rruga Press

Next Post

Dhurohen 1 miliardë doza vaksina për vendet e varfëra/ Samiti i G7: Ne nuk po e bëjmë këtë për favore, por për t’i dhënë fund kësaj pandemie

ShpërndajeKryeministri britanik Boris Johnson tha se vendet e G-7-ës që do të takohen të premten, do të njoftojnë për një plan për të dhuruar një miliardë doza vaksinash për COVID-19 në vendet me të ardhura të ulëta dhe të mesme. BRITANI- Kryeministri britanik Boris Johnson tha se vendet e G-7-ës që […]