Senati pro hetimit të Bolsonaros për krime kundër njerëzimit
Komiteti hetues i Senatit të Brazilit ka miratuar raportin që bën thirrje për hetimin e presidentit Jair Bolsonaro në lidhje me nëntë akuza që kanë të bëjnë me mënyrën e tij të menaxhimit të situatës me pandeminë, përfshirë edhe akuzat për krime kundër njerëzimit.
Në raportin që është përgatitur në 6 muajt e fundit, thuhej se së paku 77 zyrtarë dhe dy kompani kanë kryer krime gjatë pandemisë.
Në raport është përsëritur thirrja për hetime, të cilat mund ta nxisin shkarkimin e Bolsonaros nën akuzat për gjenocid dhe vrasje.
Në raportin përfundimtar janë përfshirë edhe 10 zyrtarë të tjerë që duhet të hetohen për krime kundër njerëzimit.
Në mesin e zyrtarëve është edhe Wilson Lima, udhëheqës i pjesës së Amazonës.
Nga mungesa e madhe e oksigjenit, qindra njerëz vdiqën nga asfiksia në fillim të vitit 2021.
Qeveria e tij është duke u hetuar edhe për korrupsion në lidhje me blerjen e pajisjeve mjekësore.
Rruga Press