Thellohet tragjedia nga shpërthimi në Gjermani, 2 të vdekur, 5 ende të zhdukur dhe 31 të plagosur, flet kryebashkiaku: Një moment tragjik për Leverkusen

Shpërthimi në një kompani kimike në një park industrial në Gjermani i ka marrë jetën dy personave, disa rezultojnë të zhdukur ndërkohë që gati 31 persona janë lënduar.

Qyteti i Leverkusen tha se shpërthimi ndodhi në rezervuarët e magazinimit të tretësve. Më vonë, operatori i Chempark Currenta tha se një vdekje e dytë ishte konfirmuar. Ai vendosi numrin e të plagosurve në 31 dhe tha se pesë punonjës ishin zhdukur.

“Për fat të keq shpresa për t’i gjetur ata të gjallë po zbehet shpejt,” tha kreu i Chempark, Lars Friedrich, në një deklaratë.

Sipas mediave, zyrtarët e zjarrfikësve që testuan ajrin thanë se nuk dukej të ishte një rrezik për banorët e afërt pasi autoritetet fillimisht i nxitën njerëzit të strehoheshin brenda duke mbylluar dyer e dritare.

Shpërthimi në objektin e menaxhimit të mbetjeve në vendin Chempark në Leverkusen, afër Këlnit, dërgoi një re të madhe të zezë në ajër. Zjarrfikësve iu deshën gati katër orë për të shuar zjarrin që mori pas shpërthimit.

Kryetari i bashkisë së Leverkusen, Uwe Richrath, e quajti shpërthimin “një moment tragjik për Leverkusen”.

Rruga Press