E padëgjuar më parë, gruaja flinte kur meteori ra nga qielli në jastëk
Një grua kanadeze i shpëtoi për pak fatkeqësisë kur një meteorit u përplas me çatinë e saj dhe u ul në jastëk pranë saj ndërsa ajo ishte duke fjetur. Ruth Hamilton nga Golden, British Columbia u zgjua natën e 4 tetorit nga zhurma e një përplasjeje dhe pluhuri që ra në fytyrën e saj.
“Unë thjesht u ngrita dhe ndez dritën, nuk mund ta kuptoja se çfarë dreqin ndodhi,” tha Hamilton.
Sipas Dailymail, kalimtarët e rastit kishin pikasur një meteor mbi Liqenin Louise herët atë natë, rreth 84 milje në lindje. Hamilton, e cila ishte e padëmtuar, vuri re një gur në jastëkun e saj, aty ku zakonisht qëndronte koka e saj. Guri hapi një vrimë në çatinë e saj, të cilën paketa e sigurimit nuk e ka vendosur akoma nëse ajo do të paguajë apo jo sepse rasti është i padëgjuar. Ajo telefonoi 911 dhe tha se një oficer telefonoi m pas për të konfirmuar se nuk ishin mbeturina nga strukturat aty pranë në “Kicking Horse Canyon”. Ata më në fund arritën në shpjegimin e meteoritit.
“Ne thirrëm projektin Canyon për të parë nëse ata po punonin por ata e mohuan këtë gjë dhe thanë se panë një dritë të ndritshme në qiell që shpërtheu dhe shkaktoi disa shpërthime. Unë u trondita dhe u frikësova kur ndodhi, mendova se dikush u hodh brenda ose ishte një armë ose diçka. Ishte pothuajse një lehtësim kur kuptuam se mund të kishte rënë vetëm nga qielli”, tha ajo.
Hamilton nuk u plagos dhe planifikon ta ruajë shkëmbin si një kujtim për nipërit e mbesat e saj. Spektatorët kishin pikasur atë natë një meteor në Liqenin Louise.
“Unë jam plotësisht e mahnitur që është një yll që doli nga qielli, mund të jetë miliarda vjeç. E vetmja gjë tjetër që mund të them është se jeta është e çmuar dhe mund të zhduket në çdo moment, edhe nëse je e sigurt duke fjetur në shtrat. Shpresoj që të mos e marr kurrë si të mirëqenë“, tha Hamilton, duke shtuar se përvoja kozmike pranë vdekjes i ka dhënë asaj një perspektivë të re mbi jetën.
Hamilton tha se nuk ka gjasa që ajo të merret me shikimin e yjeve ose astronominë si një hobi.
“Unë mendoj se kjo eksperiencë është e mjaftueshme për një jetë që kam,” tha ajo.
Meteoritet që vijnë nga asteroidët, janë shkëmbinjtë që rrotullohen rreth diellit dhe janë të gjithë rreth 4.5 miliardë vjet të vjetër, sipas Qendrës për Studime Meteorite të Universitetit Shtetëror të Arizonës.
Rruga Press