FIFA nuk konsultohet me UEFA-n/ Ideja e çmendur, Botërori dhe Europiani çdo dy vite, reagon Ceferin: Kemi rezerva në lidhje me…

FIFA po studion një revolucion duke filluar nga viti 2027: Kampionatet Botërore dhe Europiane (përveç turneve të tjerë kontinental si Kupa e Afrikës ose Aziatike) të zhvillohet çdo dy vjet, por UEFA shpreh shqetësimin duke pasur parasysh që projekti do të ishte në kurriz të kampionateve dhe klubeve europiane.

Qëllimi është ta miratojmë në kongresin e FIFA -s në maj 2022, megjithëse asgjë nuk do të ndryshojë deri në vitin 2026 pasi Miami tashmë po përgatit Kupën e Botës 2026 midis SHBA-së, Kanadasë dhe Meksikës.

Në këtë pikë, i gjithë kalendari i futbollit duhet të ndryshohet, plani i FIFA -s përfshin dhjetë muaj garë, një me pushime dhe një me përgatitje fizike.Kampionatet kombëtare do të fillonin midis gushtit dhe shtatorit, me vetëm dy pushime për ekipet kombëtare në tetor dhe mars, në janar për Kupën e Botës për Klube dhe në Kampionatin Botëror ose Europian të verës.

UEFA, CEFERIN: “Shqetësim serioz”

Presidenti i UEFA -s Aleksander Ceferin është i shqetësuar nga ideja e FIFA-s për të zhvilluar Kupën e Botës çdo dy vjet dhe është i habitur nga mungesa e konsultimit.
“UEFA dhe shoqatat e saj kombëtare kanë rezerva dhe shqetësime serioze në lidhje me raportet mbi planet e FIFA -s,”

Rruga Press