Glauk Konjofuca për suksesin e Nora Gjakovës: Vajzat e Toni Kukës, më të merituarit për këto të arritura historike
Kryeparlamentari i Kosovës, Glauk Konjufca ka reaguar për suksesin historik të Nora Gjakovës në Lojërat Olimpike.
Xhudistja kosovare e ka fituar medaljen e artë në kategorinë deri në 57 kilogramë në Lojërat Olimpike “Tokio 2020”, shkruan Demokracia.com.
Nora Gjakova në finale për medaljen e artë e mposhti xhudisten nga Franca, Sarah Cysique.
Suksesit të xhudistes nga Peja i është gëzuar edhe kryetari i Kuvendit të Kosovës, Glauk Konjufca i cili ka reaguar në Facebook.
Më poshtë mund ta lexoni statusin e kryeparlamentarit Konjufca:
“URIME Nora Gjakova – kampione olimpike.
Pas Distrias, edhe Nora stoliset me medaljen e ARTË. Kosova rishkruan historinë me shkronja të arta në Lojërat Olimpike. Sa madhështi, sa gëzim, sa krenari.
Vajzat e trajnerit Toni Kuka, më të merituarit për këto të arritura historike, përsërisin suksesin e Majlinda Kelmendit e cila mbetet Mbretëreshë në fronin botëror të xhudos – inspirim për brezat e ardhshëm dhe simbol i sportit të Kosovës dhe madhështisë mbarëkombëtare!“.